الثلاثاء 21 نوفمبر 2017 - 04:48 مساءً , 03 ربيع الأول 1439

11111


 

 

 

   الساخر حسام العطار يكتب عن: مثلث الرعب داخل نادى حدائق الأهرام

    الخميس 19 أكتوبر 2017 - محرم 1439 02:48 مساءً

   

 

ونعمل إية يا زمـــــــــــن؟
نعيب زماننا والعيب فينا
             وما لزماننا عيب سوااااانا. 
ونهجوا ذا الزمان بغير ذنب 
             ولو نطق الدهر لنا لهجانــــــا "وقالنا روحوووووووا جاتكم القرف"
وليس الذئب يأكل لحم ذئب..
                ولكن يأكل بعضنا بعضا عيانا..
زي ما انتم شايفين
 
كل دي زحمــــــــة!. 
بعد حوالي أكتر من سنتين، وصراع مرير بين الأسرة والمجموعة في نادي العباد اللي فيه 8 ألاف عضو وتيجي في الأخر ترسي علي 26 مرشح؟!! يا نهار هري.. دائما وابدا نادي غريب ومريب.
 
طيب أحب أسئل الـ26 مرشح بذمتك ودينك يا شيخ، وأوعي تكذب علي نفسك، أنت قرأت قانون الرياضة؟ طيب انت أطلعت حتي علي اللائحة الاسترشادية؟ طيب عندك فكره عن مجالس إدارات النوادي؟! إذا كانت الإجابة نعم؟ يبقي خير وبركة وإذا كانت لاء وده المتوقع، يبقي الله يبارك فيك خدها من قصيرها وبلاش تتعب نفسك وتتعبنا معاك!!. 
 
واحد قــــــــايمة مشكلة وصــــــلحة لو سمحت، وكتر الشطة شوية.. 
بما أن فيه أعضاء كتير محتارة لغاية دلوقتي، ومش عارفة تنتخب مين من فين؟ الساخر يتوقع نجاح القايمة المشكلة
( أديني لو سمحت رئيس من هنا، ونائب من هناك، واتنين أعضاء من علي وش القفص، وواحد أمين صندوق من الصنف الغالي، وزود واحد تحت السن من دول وهاتلي التاني من اللي هناك بعد أذنك) شوفلي بقي الحساب كام لغاية دلوقتي؟! أم... باقي لحضرتك في الحساب ثلاث أعضاء فوق السن؟! طيب تمام هاتلي بقي من اللي فوق الرف أنا عاوز بضاعة طازة وتكون صابحه وفريش كده... 
طلبات حضرتك أوامر يا فندم.... القايمة المشكلة جاهزة للمجلس؟!!
 
عزيزي العضو عزيزتي العضوه، دي أسمها الكوميديا السوداء، واتمني انها لا تحدث علي أرض الواقع، لان القايمة المشكلة دي لا هيكون ليها طعم ولا لون ولا ريحة؟! ولا أنا ولا أنت ولا حتي الساخر هيقدر يقول فين تنفيذ البرنامج، لان سعتها أنت بتتكلم علي انهي برنامج؟! برنامج الرئيس اللي من هنا ولا النائب اللي من هناك ولا الأعضاء اللي من حته تالتة خالص؟!.
 
ده نادي ولا صاعق ناموس؟!
خد بالك كده وأنت داخل علي النادي اليومين دول لأحسن النادي بقي زي صاعق الناموس وممكن تتلسع، جرب كده تجي او تقرب من النور اللي هنا ولا اللي هناك وأنت هتلاقي تيار كهربائي نشفك..
 
حقائق انتخابية مستخبيه:
1- مجلس سابق، ومجلس حالي وشئون قانونيه ومديرية ولجان شعبية، من أجل إطاحة عاطف عن الانتحابات؟! هو الصندوق مش كفاية يطيح بأي شخص لا يستحق؟!
2- عندنا 26 مرشح، 25 اسم مكتوبين في ثلاث ورقات علي لوحة الإعلانات وإسم واحد فقط لا غير واحد ثلاث صفحات لوحدة؟! ده لو بالورق كان الطبيعي هو يكسب؟
3- علي المرشح عاطف حسب الله، أن يتقدم بدفع مبلغ 3 ألاف أخري للمجلس الحالي لتسديد ثمن المساحة المشغولة حاليا من اللوحة الإعلانية.
4- يوجد مثلث رعب، مثلث خطر، مثلث صراع.... داخل كل قايمة.. هحتفظ بالأسماء لنفسي ولكن فكر أنت من أول ثلاث أشخاص هتمسك في بعض من أول جلسة داخل المجلس في قايمة عاطف ومين زيهم في قايمة نافع؟!.  فكر كده شوية هما ثلاث أشخاص هنا وثلاثة هناك.
5- الساخر للأسف يتوقع عدم نجاح اي قائمة بالكامل، لان ده هيكون صعب جدا جدا لسبب بسيط جدا، وهو بصراحة أن القائمتين زي ما فيهم عناصر قوية قليلة جدا جدا فيها أيضاء عناصر ضعيفة جدا جدا جدا.. إية بقي اللي يجبرني اني أختار الضعيف؟!
6- المستقلين حيرانين، ومش عارفين يكلموا مين ويروحو فين، لان فيه بعض الناس مش فاهمين إنه عندنا قائمتين قايمة علي الوينج اليمين وقايمة في الوينج شمال، وفي النص فية بعض المستقلين؟! يعني ما ينفعش تقولي أنت هتنتخب قايمة عاطف ولا نافع لان في في النص مستقلين محترمين يمكن يكون عندهم الحل السحري للإنتخابات المطينة بستين طين دي.
 
تصــــــــــــــــــــدق:
1- بعد أن صرح محمد نافع، بأنه لا ينتمي لمجموعه الفرسان، يبقي كده مافيش اي حد من الفرسان داخل قائمة نافع باستثناء خالد عويس؟! طيب إزاي؟
2- ولا أي شخص من المجلس السابق رشح نفسه في الانتخابات القادمة ليه؟!... ولا اللي إتلسع من التعيين يخاف من الانتخابات؟
3- إجمالي عدد المرشحين هو 26 عضو؟ 20 منهم غير معلومين لدي 90-% من السادة أعضاء الجمعية العموميه حتي الآن؟
4- عدد الهتيفه لكل من مجموعة عاطف ومجموعة نافع أصغر من العدد الأجمالي للقايمة؟! يعني كل قايمة فيها 11 عضو مرشح والهتيفه يجي بتاع 4 هنا و6 هناك، الهتيفة حتي مش مكملين قايمة واحدة كاملة؟!
5- فيه ناس مرشحين، مش عارفين ولا حتي مطليعن علي شروط الترشح، وإذا يفاجئ انه مطلوب منه 3 ألف جنيه.! هو حضرتك لم تقرأ شروط الترشح لية مكنش عندك وقت؟! ولا كنت مشغول بقراءة اللائحة الاسترشادية وقانون الرياضة وتجهيز البرنامج الأنتخابي؟ حقيقي نحن شعب لا يقرأ.
 
شوية أرقام من أنزل الله بها من سلطان....
1- إجمالي عدد المرشحين 26 عضو وعضوه؟! وكان المتوقع أكتر من 60 مرشح..
2- نسبة الأعضاء المرشحين المعروفين لدي الأعضاء حوالي 20% فقط أما 80% الباقين غير معروفين علي الإطلاااااااق.
3- عدد المرشحين للرئاسة هم 3 أشخاص، أمال فين الباقين، دي فين السيدة الجريئة التي أعلنت عن ترشحها قبل الهنا بسنتين؟
4- عدد المرشحين لمقعد النائب هما 2 فقط لا غير؟! ده أنا بس كنت أعرف 5 مربطين علي المنصب ده؟!
5- منصب أمين الصندوق وما أدراك ما منصب أمين الصندوق، مترشح علية ثلاثة مرشحين أتنين رجالة وامرأة، من هو المتوقع نجاحه بنسبة 90% فهو الخاسر؟ الكل لازم يشتغل والعبارة في الشكارة والصوت في الصندوق.
 
سيناريو من الساخر أنور عكاشة:
1- في حالة تنحي عاطف حسب الله لا قدر الله، يبقي قايمة عاطف هتدعم مين؟! نافع ولا المغربل؟
2- طيب ينفع يحصل شوية تعديلات في اي من القوائم في الوقت الحاضر؟ في حالة انسحاب فلان أو علان؟
3- طيب "سناء صندوق"، هتدي قايمة عاطف ولا قايمة نافع؟! طيب يا تري قايمة عاطف تدي لسناء صندوق وهي عندها صندوق؟! ونفس الصندوق ده موجود عند نافع يبقي نافع كمان مش هينفعها؟! بس تصدق ممكن الموضوع يدخل في شوية عند ما بين ده والتاني، وتصبح سناء صندوق أمينة الصندوق في المجلس القادم، وده إحتمال وااااااااااارد لو لم تنسحب.. أنت فاهم حاجة؟ أصلي انا مش فاهم.
4- هو ينفع المستقلين يتحدوا وتتكون قايمة المستقلين الأحرار؟
5- بالنسبة نهي فتحي، ينفع تشتغل من قايمة عاطف ولا قايمة نافع؟
 
باي باي بقي
كفاية رغي لغاية كده، أنا زهقت اروح اتفرج علي أي فلم خيالي علمي هيكون أوقع بكتير من اللي بيحصل حاليا في الواقع الغير متوقع، وعلي رأى المثل الساخر "من المحتمل البحر فية جمل، ومن الأكيد في البحر حديد وفي الواقع في البحر قواقع"
 

 

جبنة دومتى

 

التعليقات

 

 
 



إذاعة القرآن الطريم

مقالات رئيس التحرير
خدمة الواتس
مع الرحمة

كاس العالم

المصرية للاتصالات 2

هل تؤيد إصدار قانون تجريم زواج الأطفال ؟

  نعم

  لا

  لا اهتم


نتائج

أضف  البريد الالكتروني :
 
 

 

أضف  كلمة البحث :