الأحد 20 يناير 2019 - 03:03 مساءً , 14 جمادى الأولى 1440

حديد المصريين أعلى الصفحة


 

 

 

   الساخر حسام العطار يكتب: بيطبل ويطلب الود

    الأحد 06 مايو 2018 - شعبان 1439 06:35 مساءً

   

 

الصمت لغة العظماء... تعالي وأنا اثبت لك
1- صمتك وقت الفوز... ثقة
2- صمتك وقت الغضب... قوة
3- صمتك وقت العمل... إبداع
4- صمتك وقت نصيحة الناس لك... أدب
5- صمتك وقت الحزن... صبر واحتساب للأجر.
 
حكمة الساخر...
تعلم كيف تتجاهل كل شيء، وكيف تقف وحيداً دون مساعدة أحد.. تعلم ألا تعيش علي الانتظار، ولاتكن هامشاً بحياة أحد.. تجاهل مشاعرك كـثيراً واستوعب أن لا أحد يدوم لأحد!...
 
الزمالك بيييب بيييب زمااااااااالك
لسه فيه حد اهلاوي مش مصدق انه الزمالك قااااااادم؟! 
الحمد لله طلعنا من مرحلة سنظل أوفياء إلى الدور النهائي، وسوف نظل ونستمر بإذن الله.
 
يا جمعية الهنا يا ريتني كنت أنا...
حملة كبيرة وعظيمة من أجل القضاء علي التوكتك... تااااااني يوم ترجع التكاتك أكتر عدد واكتر قلة أدب وقذارة؟
تم الاعلان عن عربيات لجمع القمامة والنظافة.. قلنا خلاص الحدايق هتنضف، ولكن انا مش شايف أى نضافة لغاية دلوقتي!..
كل الشوارع اتكسرت أكتر ما هي متكسرة، وقولنا معلش علشان تركيب الغاز.. ولغاية دلوقتي الغاز مخلصش؟!
قولنا هنجيب عربية شرطة ودورية.. وتمشي في الشارع يا اخويا تلاقي الدنيا كلها حرامية؟
قولنا وقااااالو، واللي يقول قول يقعدله.
 
مستعمرة البوابين وسائقي التكاتك... حدائق الأهرام سابقاً
حي وجمعية مختلفين وغير مجتمعين ولو اجتمعوا هتجتمعوا علي السكان الغلبانين، وأمن من غير أااااامان، بواباااات من غير أبواب، ومسئول غير مسئول، كل الفيلات أتهدت والعمارات اتبنت مخالفة وفيها كمان محلات ومطاعم وكافيهات.
مياه وبتقطع أكتر ما بتيجي، وشوارع مكسرة، وخلق معكرة، وحرامية ونصابين جاين من بلاد فقيرة علشان تأكل عيش علي قفا الساكن الغلبان، وجه الوقت اللي خلي البواب والسواق يتعدي باللفظ والأيدي علي الساكن.
قريب وقريب قوي الوضع المزري ده هيخلي الحدائق من غير سكان!. 
•• ومع كل إلا فات مش يفوتنى إنى أُشيد بإنارة الأعمدة فى الشوارع الرئيسيّة والتطور الملحوظ... شغل رائع لا يغفله أحد..
 
عمرك شوفت ساخر بيشكر؟!
أيوة يا عم فيه ساخر وبيشكر، وإية المشكلة يعني، ما هو زي ما بنقول ده غلط ومينفعش، ينفع نقول ده اتعمل وشكله جميل، انا عارف طبعاً الأخوة الحاقدين دائماً هيقولوا إيه (بيطبل، ويطلب الود، اهو خاف ورجع لوراااا)
وأنا بقولهم الموضوع بسيط قوي، زي ما انا بكتب كل اللي عاوزة من حقك عزيز الحقود تقول كل اللي انت شايفة بطبل وبزمر وبلحن كمان انت ليك فيه؟!
 - شكراً علي المسجد، والتطور الجميل فيه... منارة لنادي حدائق الأهرام خلال الشهر الكريم..
 - شكراً علي أحواض الزرع إلا شكلها جميل..
-  شكراً بقي علي البداية في عمل ملاعب وتراك جديد، يا رب يطلع حلو زي الجامع..
اهو شوفت يا عم الحقود وانا بطبل؟! طبلي عجبك؟
يلا بقي طبلي طبلك علي طبلي خليك حنين طب طب لي.
 
موسم العمرة في حدائق الأهرام.....
شويكار طلعت عمرة؟! وعمرو بيجال أعتمر؟ وحصله وليد الخطيب، ودلوقتي الحاج سمير هناك؟ والأسبوع ده رايح الحاج صلاح يعمل عمرة؟! 
مبدئياً، عمرة مقبولة وذنب مغفور لكم جميعا، ولكن لما الناس دي كلها من الحدائق رايحة تعتمر، مين بقي اللي هيخلي باله من النادي والحدائق ومتابعة الأعمال الجميلة  بتاعت الجمعية؟! 
والناس دي كلها لو دخلت الجنة، والواحد لا قدر الله دخل النار، يقعد مع مين بقي هناك؟! يقعد كده وحيد من غير أصحابه ؟!
بقولكم ايه يا أهل الحدائق يا نعيش عيشة فل إحنا الكل.. يا اما تخدوني معاكم العمرة الجايه.. ولا يعني العمرة مع الساخر هتبقي مش مقبولة.
ما أنا رحت الحج مع عاطف وملهم وقاعدنا نضرب في الشيطان لغاية ما اتعلم الأدب!. 
 
هو إيه مهمة الساخر....؟
ليست مهمة الساخر أن يقوم كل يوم الصبح يغسل وشه وينقد الاوضاع او يعلق علي الاحداث.. فهذا قد يبعث على الملل لذلك على الساخر الذكى من باب التغيير أن يقوم الصبح ولا يغسل وجهه... ايوة يقوم يقول ويكتب علي اللى في باله ثم ينام تاني!.
 
 
 
 
 
 
 
 
..........................................................................
هااااام 
تؤكد رئاسة وإدارة التحرير.. أن الأراء والمقالات المنشورة فى جريدة أو موقع "الراية" المصرية هنا.. تعبر فقط عن رأى قائلها وكاتبها.
 

 

أوليكس

 

التعليقات

 

 
 



إذاعة القرآن الطريم

مقالات رئيس التحرير
رمضان كريم 1

مع الرحمة

التعمير والاسكان

هل تؤيد مقترح تحويل المدارس الزراعية والصناعية إلى إنتاجية لتقليل الاستيراد؟

  نعم

  لا

  لا أهتهم


نتائج

أضف  البريد الالكتروني :
 
 

 

أضف  كلمة البحث :